Sipas shumë raporteve, Arsenali është duke u përpjekur për të mbajtur në skuadër Shkodran Mustafin pavarësisht ofertës së re që ka ardhur për mbrojtësin shqiptar.

Reprezentuesi i Gjermanisë u transferua te klubi në Emirates Stadium verën e kaluar për një tarifë që mendohet se është rreth 35 milionë funta, por ai tashmë është duke u kërkuar për transferim larg nga klubi londinez, transmeton portali arbresh.info.

Juventusi dhe Interi besohet të jenë dy klubet nga Serie A që janë në garë për ish futbollistin e Valencias.

Megjithatë, bazuar në ‘Sky Sports’, kjo garë ka kaluar në një nivel tjetër pasi Interi ka shtruar një ofertë të re për mbrojtësin e Gjermanisë.

Ata raportohet se kanë ofruar një tarifë prej 4.6 milionë funta për Mustafin, me obligim për blerjen e tij në të ardhmen për 23 milionë funta nëse luan mbi 50 për qind e ndeshjeve të tyre këtë sezon.

Sidoqoftë, Arsene Wenger ende e konsideron reprezentuesin e Gjermanisë si pjesë e planeve të tij për sezonin në vazhdim dhe nuk pret që futbollisti të largohet nga klubi./arbresh.info/